초급반/Baza kurso

 Login  Join

:: Historio de Korea Esperanto-Movado
LEE Jung-kee  (Homepage) 2011-06-07 07:40:40, Hit : 942, Rec. : 112

Historio de Korea Esperanto-Movado  

KIM Uson (Koreio)


Komenca periodo (1920-1945)              

Ekde la 21a de junio ĝis la 29a de julio, 1920, Verda E. Kim (1896~?, poeto • literatura kritikisto) organizis kaj gvidis Esperanto-kurson ĉe YMCA en Seulo. Ĝi estis la unua publika Esperanto-kurso en Koreio, en kiu partoprenis 22 homoj. Tuj poste, oni fondis Korean Esperanto-Asocion kaj elektis Verda E. Kim (Korea nomo KIM Ok) kiel ĝian prezidanton.
En 1923 la unuan Esperanto-lernolibron eldonis SHIN Bong-jo (Espero P. Shin, pedagogo, 1900~1993), kiu poste fariĝis estro de Ewha Virina Supermeza Lernejo. En 1925, OOYAMA Tokio (japano), kiu loĝis en Seulo, fondis klubon, Seula Esperanto-Klubo (SEK). SEK aktivis por disvastigi Esperanton. (Koreio estis japana kolonio dum 1910-1945). Sed tamen ekde la mezo de 1930-aj jaroj japana kolonia registaro devigis koreojn uzi nur japanan lingvon, subpremante Esperanto-movadon kaj korean lingvon. Ne malmultaj japanaj esperantistoj, loĝantaj en Koreio, kontraŭis la devigon.

Rekonstruo kaj dividiĝo de E-movado (1945-1975)

En 1945, kiam Koreio liberiĝis de la japana koloniado, koreaj esperantistoj tuj eklaboris por rekonstrui Esperanto-movadon. Korea Esperanto-Instituto (KEI) estis organizita en 1945, kaj la 1a Korea Kongreso de Esperanto okazis en aprilo 1946 en Seulo. Ĉirkaŭ 7 universitatoj adoptis Esperanton kiel regulan lernobjekton. La planita 4a Korea Kongreso de Esperanto en 1950, ne povis okazi pro subita eksplodo de Korea Milito en junio. Multaj el la ĉefaj gvidantoj de la movado mortis, aŭ malaperis, kaj iuj estis perforte forprenitaj al Norda Koreio.
Prof. HONG Heng-Wi (1911~1968) kaj multaj aliaj aktivuloj siatempaj forlasis Seulon pro la milito kaj transloĝiĝis en la urbon Taegu, kaj tie rekonstruis la movadon surbaze de la helpo de la Universitato Chunggu. En 1956 KEI estis refondita en Taegu. En 1957 en la urbo okazis la 4a Korea Kongreso de Esperanto. Multaj junuloj kaj studentoj vigle aktivis en Taegu.
En 1966, Korea Esperanto-Societo (KES) estis fondita en Seulo kaj ĝin gvidis ĉefe tiutempaj aktivaj junuloj de la urbo. KEI daŭre sidis en Taegu, kaj la movado en Seulo ne estis tiel vigla. Pro tio oni translokigis KEI al Seulo en 1969. La du dividitaj grupoj kaŭzis konfliktojn. Oni do sentis neceson unuigi ilin. Post kelkjara klopodo de la movadaj gvidantoj, finfine en la 31a de aŭgusto1975, KES estis unuigita al KEI. Kaj oni nomis la organizaĵon Korea Esperanto-Asocio (KEA). De tiam KEA daŭras ĝis nun.

Post la unuiĝo (1975-1990)
  
Ekde 1975, la landa kongreso regule okazas ĉiujare. Kaj en oktobro de lasta jaro okazis la 42a Kongreso. Diversaj Esperanto-kursoj estis organizitaj de diversaj grupoj, tutlande kaj loke. Por certigi la lingvan nivelon de esperantistoj KEA okazigas Esperanto-ekzamenojn de elementa, meza kaj supera gradoj. Multaj studrondoj, kvankam malgrandaj, estis fonditaj, sed plejmulto de ili ne povis longe daŭri. Religiaj organizaĵoj, speciale Ŭonbulismo, eldonis esperantajn versiojn de sanktaj libroj kaj instruoj.
La ‘Komuna Seminario (KS) inter ĉina, japana kaj korea junularoj’ ĉiujare okazas de 1982. Ĝin fondis Japana kaj Korea Junularoj por fortigi amikecon kaj ili ĉiujare aranĝis ĝin alterne en ambaŭ landoj. Ekde 1994 ankaŭ Ĉina Esperanto-Junularo partoprenas ĝin.

La prospera periodo (1991-)

Koreio gastigis 3 plej grandajn internaciajn kongresojn en Esperantujo: En 1994, la 79a Universala Kongreso (1776 aliĝintoj el 66 landoj) kaj la 50a Internacia Junulara Kongreso (241 aliĝintoj el 28 landoj). En 2002, la 3a Azia Kongreso (552 aliĝintoj el 15 landoj).  
Ekde 1999 KEA festas la Tagon de Pioniro en majo, por rememori forpasintajn pionirojn de korea Esperanto-movado, kaj ĉiujare eldonas memorlibron de la pioniro. Ĝis nun oni feste rememoris 12 pionirojn.
Esperanto-kursoj okazas en la oficejoj de KEA kaj en filioj de Busan, Daegu, Incheon regule ĉiusemajne. KEA organizas tutlandan kurskunvenon vintre kaj somere, dum 2-3 tagoj. Kaj Namkang Esperanto-Lernejo aranĝas 2-tagan kurskunvenon printempe kaj aŭtune. Seula Esperanto-Kulturcentro, privata institucio por Esperanto-instruado, regule instruas Eaperanton ekde 1991.
Kaj Esperanto estas instruata kiel la 2a fremda lingvo en 3 universitatoj: la Universitato Dankook (prof. LEE Jungkee), la Universitato Wonkwang (prof. LEE Jungkee) kaj la Universitato. Hankuk por Fremdaj Studoj (prof. LEE Young-Koo). Ĉirkaŭ 300 studentoj lernas Esperanton en unu semestro. Se la studentoj deziras partopreni la tutlandajn Esperanto-kurskunvenojn, aliaj esperantistoj ilin subtenas per mondonaco.

Perspektivo

Kvankam entuziasmaj espeantistoj ŝvitas por vigligi la movadon, nun ne tiel progresas korea Esperanto-movado. Lastatempe multaj homoj serĉas nur praktikan utilecon en Esperanto. Pro tio la membro-nombro de KEA ne multe kreskas. Por vigligi Esperanto-movadon, Korea esperantistaro deziras ankoraŭfoje inviti UK-on antaŭ la jaro 2020, kiam okazos 100-jara jubileo de KEA.
Oni klare vidos utilecon de Eaperanto en la Komuna Esperanto-Kongreso de Japanio kaj Koreio en la venonta oktobro. Kaj tio enblovos energion en ambaŭlandan Esperanto-movadon.                                

< por La Revuo Orienta (majo, 2011)>
(2011년 4월 5일 작성)  
                                                                  


  : Rec.   : List

961   En la 27-a de Julio/ Ekskurso kaj Korea vespero    LEE Jung-kee 2011/07/28 87 919
960    En la 26-a de Julio/ Tago de lernejo kaj ...    LEE Jung-kee 2011/07/27 81 763
959   En la 25-a de Julio/ Buntaj programeroj    LEE Jung-kee 2011/07/27 84 733
958   [ILEI 최종보고] La 44a Konferenco sukcese finiĝis...    LEE Jung-kee 2011/07/25 79 856
957   En la 24-a de Julio/ Malferma ceremonio de la 96-a...    LEE Jung-kee 2011/07/25 77 794
956   En la 23-a de Julio/ Ferma tago de ILEI-Konferenco...    LEE Jung-kee 2011/07/25 97 790
955   Sukcese venis al fino la 44a Konferenco de ILEI    LEE Jung-kee 2011/07/24 89 774
954   En la 22-a de Julio/ Konferenca Simpozio' okazis    LEE Jung-kee 2011/07/23 83 751
953   En la 21-a de Julio/ 'Lingva festivalo' okazis    LEE Jung-kee 2011/07/22 83 959
952   En la 20-a de Julio/ ILEI-konferenco en 2012 en Cx...    LEE Jung-kee 2011/07/21 88 762
951   [ILEI 중간 보고]KUNSIDA DENSO, VESPERA ETOSO EN LA ILE...    LEE Jung-kee 2011/07/20 78 780
950   En la 19-a de Julio/ Enhavricxaj programeroj    LEE Jung-kee 2011/07/20 89 797
949   En la 18-a de Julio/ Malfermo de la 44-a ILEI Konf...    LEE Jung-kee 2011/07/19 92 777
948   En la 17-a de Julio/ De Tokio al Kopenhago    LEE Jung-kee 2011/07/18 82 752
947   En la 16-a de Julio/ De Inchon al Tokio    LEE Jung-kee 2011/07/18 74 790
946   좋은 에스페란티스토가 되는 세가지 방법!    LEE Jung-kee 2011/07/08 90 1033
945   Bonaj frazoj -10    LEE Jungkee 2011/06/26 89 1040
944   Bonaj frazoj-9    LEE Jungkee 2011/06/25 82 920
943   Bonaj frazoj-8    LEE Jungkee 2011/06/25 87 951
942   Bonaj frazoj-7    LEE Jungkee 2011/06/25 121 912
941   [Radiko님의 기행문]Adorinte tombejon de Vincent van Gogh...    LEE Jung-kee 2011/06/21 123 936
940   Bonaj frazoj-6    LEE Jungkee 2011/06/18 136 909
939   Bonaj frazoj-5    LEE Jungkee 2011/06/18 92 919
938   Bonaj frazoj-4    LEE Jungkee 2011/06/16 146 928
937   Bonaj frazoj-3    LEE Jungkee 2011/06/16 79 928
  Historio de Korea Esperanto-Movado    LEE Jung-kee 2011/06/07 112 942
935   Radiko님께서 프랑스에서 보내신 편지    LEE Jung-kee 2011/05/28 106 993
934   [서평] 신화가 담기지 않은 자멘호프 전기    LEE Jung-kee 2011/02/27 172 1552
933   자멘호프 전기-12    LEE Jungkee 2011/02/10 148 1575
932   자멘호프 전기-11    LEE Jungkee 2011/02/09 165 1485

    : List [1][2][3][4][5][6][7] 8 [9][10]..[40]   [다음 10개]
Name  Subject  Content  

Copyright 1999-2019 Zeroboard / skin by Webdimall

Warning: Unknown(): Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively. in Unknown on line 0