'자료집/ Materialoj

 Login  Join

:: Plurlingvula renkontiĝo en Berlino
LEE Jungkee  (Homepage) 2015-05-08 19:09:03, Hit : 222, Rec. : 35

Plurlingvula renkontiĝo en Berlino
PUBLIKIGITA MAJO 6, 2015 DE MATTHIEU

Antaŭ kelkaj tagoj finiĝis la Plurlingvula renkontiĝo (Polyglot Gathering), kvartaga aranĝo en Berlino por ĉiaj lingvoŝatantoj. Al ĝi veturis du teamanoj de E@I: Matthieu (mi) kaj Petro (nia altestimata laborestro).
Pli ol 300 lingvemuloj el la tuta mondo kunvenis en hotelo en Berlino por praktiki lingvojn kaj paroli pri ili. Mi havis ŝancon babili kun multe da homoj en ĉiuj lingvoj, kiujn mi konas (diversnivele): Esperanto, franca, angla, slovaka, rusa kaj germana. Mi ĝojis vidi, ke mi povas sufiĉe bone konversacii ruse, sed mia germana estas eĉ pli malbona, ol mi pensis. Kelkaj homoj diris pri mia akĉento en kelkaj lingvoj “Mi ne divenus, ke vi estas franco.” Verŝajne tio estas komplimento.
Mi parolas (uzante sufiĉe larĝan difinon de “paroli lingvon”) nur ses lingvojn (jes, tiu kunveno vere estas loko, kie eblas diri “Mi parolas nur ses lingvojn”!), sed multaj partoprenantoj scipovis pli; kelkaj eĉ parolis dekduon da ili. Mi tre ĝojis esti ĉirkaŭata de aliaj frenezuloj, kun kiuj eblas ŝanĝi lingvon plurfoje meze de diskuto kaj kiuj konsideras vortojn kiel “morfologio” tute normalaj.
La ĉefa lingvo de la renkontiĝo estis la angla — la sola, kiun komprenis ĉiuj partoprenantoj. Sed plej multaj partoprenantoj parolis ankaŭ la francan, la hispanan aŭ la germanan, kaj aliaj oftaj lingvoj estis la itala, portugala, rusa kaj, surprize, Esperanto. Mi vidis tie multajn konatajn (kaj ankaŭ multajn nekonatajn) Esperanto-parolantojn, kaj mi tre miris, ke la ĝenerala opinio pri ĝi ŝajnis pozitiva. Multaj homoj interesiĝis pri Esperanto (do mi — espereble ne tro — multe reklamis pri SES), kaj ni rapide forvendis la german-, franc- kaj anglalingvajn ekzemplerojn de Esperanto per la rekta metodo.
Du E@I-teamanoj vendas librojn en Berlino
Du E@I-teamanoj vendas librojn en Berlino
Tiu aranĝo fakte estis elpensita de esperantistoj, kiuj volis transdoni la etoson de Esperanto-aranĝoj al ne-esperantistoj, kaj tio estis videbla. Duono de la organizantoj estis esperantistoj, la ĝenerala atmosfero estis sufiĉe simila al Esperantujo, kaj ili rekte transprenis konceptojn kiel trinkomanĝan nokton kaj gufujon (uzante eĉ la vorton gufujo en la angla). Okazis eĉ 20-lingva koncerto de JoMo, stelulo en Esperantujo sed nekonita de aliaj partoprenantoj, kiu tre plaĉis al ĉiuj. Ni eĉ enkondukis ilin al La Bambo, kaj ili ŝajne ne fortimiĝis.
Krom babilado kaj amuziĝo okazis kompreneble prelegoj. Mi mem faris prelegon pri la slovaka lingvo, pri kiu mi povis rakonti el la okuloj de eksterlandano lernanta ĝin. Mi estis iomete nervoza, ĉar mi ne estas tre lerta pri publika parolado, kaj neniam vere prelegis en la angla, sed fakte la prelego okazis tute bone kaj homoj ŝatis ĝin. Ankaŭ Petro prelegis: pri retlernado kaj niaj projektoj, kaj pri tio, ĉu la mondo (aŭ almenaŭ Eŭropo) bezonas komunan lingvon. (Vi divenu, kiun solvon li proponis al tio). Mi pensis, ke tiu prelego estos multe pli polemika, ol ĝi fakte estis — eble pro tio, ke mankis tempo por havi multajn demandojn. Por danki nin (kaj ĉiujn prelegantojn), la organizantoj invitis nin al speciala vespermanĝo kun etiopa manĝaĵo.
Prelego
Mia prelego pri la slovaka lingvo

La prelegoj temis pri unuopaj lingvoj, pri lingvolernado aŭ pri lingvoj ĝenerale. Inter la interesaj prelegoj, kiujn mi ĉeestis, estis interalie:
La nord-samea lingvo, bela, interesa kaj bedaŭrinde endanĝera lingvo de norda Skandinavio kaj Finnlando. En la Poliglota renkontiĝo estis du parolantoj de ĝi, inkluzive de unu el la tre malmultaj, kiuj lernis ĝin nedenaske kaj ne devenas de norda lando.
La milana dialekto, lombarda variaĵo parolata (surprizo!) en Milano kaj ĉirkaŭaĵo. Ankaŭ ĝi bedaŭrinde riskas formorti, kaj ĝi havas kelkajn interesajn gramatikajn trajtojn. Mi iris al la prelego supozante, ke ĝi estos en la angla, sed fakte ĝi estis en la itala, de kiu mi havas nur etajn bazojn — kaj mi mire komprenis 90% (esti denaskulo de la franca tre helpas pri tio).
La gotlanda lingvo, malgrandega lingvo parolata en Gotlando, insulo en Svedio. Oni ofte nomas ĝin dialekto, sed ĝi fakte estas nekomprenebla por aliaj svedoj.
Estis ankaŭ tre interesa prelego pri nordamerikaj lingvoj (jes, plia prelego pri endanĝeraj lingvoj). Kelkaj el ili ŝajnas nekredeble komplikaj, gramatike aŭ elparole (aŭ ambaŭ).
Interpretistino el Slovakio faris tre interesan prelegon pri sia laboro. Ŝi proponis ankaŭ ekzercojn, kiujn faras studentoj por lerni interpretadon (pro manko da tempo nur hispanlingvanoj havis ŝancon provi interpreti). El tiuj la plej malfacila estis legi tekston en unu lingvo aŭskultante paroladon en alia lingvo (por ekzerci atentadon pri du aferoj samtempe). Mi apenaŭ povis memori ion pri la teksto, kiun mi legis.
Alia programero, kiun mi ŝatis, estis projekcio de la mallonga filmo The Hyperglot. Se vi havas okazon, aĉetu ĝin, ĝi indas. La ĉefaktoro de tiu filmo eĉ venis al la konferenco kaj faris prelegon. La lasta programero, ankaŭ pruntita de Esperantujo, estis la internacia vespero. Homoj plejparte kantis: ni aŭdis bele kantitan franclingvan kanton, operon, kantojn en la klingona, kaj fine ni kantis Frat’ Jakobo en 29 lingvoj (iom kiel tie).
Tiu renkontiĝo estis ankaŭ okazo vidi “stelulojn”: Richard Simcott, Benny Lewis, Simon Ager (la aŭtoro de la bonega retejo Omniglot)… Okazis plurfoje, ke mi demandis min, kie mi vidis iun homon, ĝis mi memoris, ke mi konas lian aŭ ŝian vizaĝon nur de YouTube.
Kun tiom riĉa programo kaj tiom da interesaj homoj, mi apenaŭ havis tempon vidi la urbon (en Berlino mi ĝis tiam konis nur la ĉefstacidomon). Mi finfine trovis tempon vidi la Brandenburgan pordegon nur dum la lasta nokto.
Tiuj kvar tagoj rapide pasis, kaj mi jam atendas la venontjaran kunvenon (okazos plurlingvula konferenco aŭtune en Nov-Jorko, sed tio estas iomete tro malproksima por mi). Mi treege rekomendas tiun kunvenon al ĉiuj, kiuj interesiĝas pri lingvoj, ne gravas, ĉu vi estas 12-lingvulo, ĉu vi parolas “nur” 6 lingvojn aŭ ĉu vi scipovas nur unu.


  : Rec.   : List

869   Formularo por peti financan subtenon de la programo Ni semas    LEE Jungkee 2015/08/19 89 258
868   1. Regularo de la programo “Ni semas”    LEE Jungkee 2015/08/19 29 207
867   Programo Ni semas -- klarigoj    LEE Jungkee 2015/08/19 23 197
866   Kongreso de Tyûgoku kaj Sikoku 2015    LEE Jungkee 2015/08/19 92 228
865   Ĉu multaj riveretoj faros la riveregon? -Afriko    LEE Jungkee 2015/08/18 21 166
864   3-a Sudazia seminario de Esperanto-Aliĝilo    LEE Jungkee 2015/08/17 81 216
863   Alvoko por partoprenigo de afrikanoj al la 6-a AKE    LEE Jungkee 2015/08/16 24 185
862    3a Sud-Azia Seminario en Sxrilanko    LEE Jungkee 2015/08/16 99 263
861   Ĉu multaj riveretoj faros la riveregon?    LEE Jungkee 2015/08/13 23 174
860   Bele raportita de Stefan MacGill, vicprezidanto de UEA pri la ferma ceremonio de...    LEE Jungkee 2015/08/09 21 190
859   세계 에스페란토 협회 기관지 8월호 (Aŭgusta numero de UEA)    LEE Jungkee 2015/07/08 623 997
858   Ostenda ILEI-mendilo    LEE Jungkee 2015/07/07 100 293
857   제 100차 세계 에스페란토 대회 한국어판 홍보 자료    LEE Jungkee 2015/07/05 82 285
856   제 279기 에스페란토 수강을 환영합니다.    LEE Jungkee 2015/06/30 90 278
855   1-a Oomoto-Kurso per Esperanto    LEE Jungkee 2015/06/29 93 283
854   Nubo 의 에스페란토 블로그    LEE Jungkee 2015/06/24 89 290
853   En Esperanto. Artikolo de S-ro Zeon.    LEE Jungkee 2015/06/21 28 220
852   전경덕 역사 연구가의 글 ㅡ한무협 문선집에서    LEE Jungkee 2015/06/21 86 567
851   Trilanda Kongreso de Esperanto kaj Somerkursaro'    LEE Jungkee 2015/06/12 109 287
850   호주 언어 축제 참가를 추천합니다.    LEE Jungkee 2015/06/12 94 280
849    Paroliga Kurso en OraPonto    LEE Jungkee 2015/05/30 97 282
848   한국 청년을 위한 참가 추천 중국, 일본모임    LEE Jungkee 2015/05/30 104 320
847   Kio okazos en Azio en la jaroj 2015 - 2017 ?    LEE Jungkee 2015/05/30 94 315
846   중국 청두 합숙 가입서및 주소    LEE Jungkee 2015/05/30 102 282
845   Skribaĵo en Libera Folio pri Kongresejo    LEE Jungkee 2015/05/24 98 272
844   에스페란토 사전 설치    LEE Jungkee 2015/05/23 91 489
843   En 2015 NASK revenas al Universitato William Peace    LEE Jungkee 2015/05/18 91 270
842   Esperanto (ĉi tiu grupo): www.facebook.com/groups/esperanto.grupo    LEE Jungkee 2015/05/16 37 227
  Plurlingvula renkontiĝo en Berlino    LEE Jungkee 2015/05/08 35 222
840   Strategia Forumo de UEA pri Orientazia Movado    LEE Jungkee 2015/04/30 32 232

    : List [1] 2 [3][4][5][6][7][8][9][10]..[30]   [다음 10개]
Name  Subject  Content  

Copyright 1999-2018 Zeroboard / skin by Webdimall